أخبار عاجلة

التفاصيل الكاملة لقصة الناشطة الحوثية مع سائق التاكسي بصنعاء

التفاصيل الكاملة لقصة الناشطة الحوثية مع سائق التاكسي بصنعاء
التفاصيل الكاملة لقصة الناشطة الحوثية مع سائق التاكسي بصنعاء

- الثلاثاء 25 أبريل 2017 10:42 صباحاً
(( الغد)) خاص:

اشعلت ناشطة حقوقية من جماعة مواقع التواصل الاجتماعية في يوم الثلاثاء عقب نشرها قصة لها مع سائق تاكس بصنعاء احدثت حالة من الصدمة في صفوف المتابعين.

ونشرت وهي ناشطة حوثية شابة قصة لها مع سائق تاكس من صنعاء وتضمنت اساءة بالغة لصاحب التاكس هذا .

وتدور قصة التاكس عبر مشوار وحديث بين ام الوزان وسائق التاكس الذي شكى حاله في صنعاء وكيف كانت ردة فعل المراة وبنتها .

وتعيد "عدن الغد" نشر القصة على لسان الوزان والتي احدثت ردود فعل غاضبة .

اللعنه عل عيال الشوارع .....

نداااااء لرجال الأمن " الصااادقين " او من له القرار ..

القصة ومافيها ،،

ذهبنا والدتي وانا في دورة وكان ممنوع الذهاب بسياراتنا الشخصية،، فتجمعوا في نقطة تجمع ليأخذنا باص الى الجهة المنشودة..

انهينا مهمتنا سريعاً وخرجنا ندور تاكسي يرجعنا مكان ما اخذنا الباص..

طلعنا التاكسي ،، وعلى مشارطة بيقول بخمسائة ردت امي ما بلا أربعمائة المشوار ما يكلفش!

قال: ليش او عتفرق معكن المية!

ردت اميBint Al-Hasan : ايوة تفرق حتى لو خمسة تفرق ،عدوان ومابش زلط!!

قال بتهكم شديد : ما ذلحين قد احنا بالبطاقة التموينية نكون نتشارط بالمشوار على كم علبة فول وعلبة فاصوليا. واذا عنعبي بترول نجر معانا شوالة رز او شوالة سكر !

ردت امي : جميل جدا ، في ظل الظروف هذه والحصار هذا من سنتين او اكثر كويس ان به حلول تغطي حاجة الناس، وبعدا الزلط نحتاجها اكثر شي عسب نعيش للأكل والشرب !

قال بكل عنجهية : عدوااااان مِهْ ؟ على غيري !! قلك عدوان قلك حصار ! هذا بيضحكوا عليكم وهم بياكلوها !

طوابير ناقلات البترول والقمح واصل ابسرهن على طريق صباحة طالعة نازلة ! مكنتونا عدوان مكنتونا حصار !!

ردت امي وبصوت جبار : او انت مرتزق ؟؟؟؟!!! هيا عليك لعنة الله انت وامثالك يا خاين يا ( كلام اسود يبدأ بحرف سرسري وحقير وكل القاموس حق السب الاسود المش غامق ) كم بيدفعوا لك؟؟

المهم .. طبعا الزفت طارح شعار محمد حق المولد النبوي !!

قالت امي : وليش عادك طارح للشعار يا حقير ؟؟ اطرح صورة سلمان او نتنياهو انسب لك يا تافه !!

قام بالمقابل يسعم يسب سلمان !

قالت له امي : وانت حذاء سلمان !!

طبعا امي بدأت تهدا وهو ينكش بصوت واطي مفتجع ،، ورجعت امي بصوت مزلزل قشوع اذاني قلت عتقوم الان تلطمه قدني مجهزة نفسي اقوم أدعمها وادعسه معاها ،، المهم قالت له : اخرس يا حيوان وامشي قدامك اذا تشتي زلطك يا حقير !!

قالها : شكراً على ذوقش !

ردت امي : الذوق مع خاين جريمة ،، والحجة عند الذي خلوك عايش بيننا !!!

رجع قام يشغل قران بصوت عالي تقريبا للقارئ الرفاعي سورة البقرة وكله كوم وهو يتخنخن معه يسعم يسعم حافظ !!

والامر الذي الذي ارهقنا فعلا فعلا ان احنا الثنتين جلسنا نلقط الهلل الذي في شنطنا بالعاني من عشرة من عشرين من خمسة لوما وفِي حقه الحساب، ووصلنا ونزلت انا حملة عسب اصور الرقم وامي دبووووووم رجمت الزلط ونعثتها في وجهه وزد قالت له : هذا قدرك يا حقير وعادها كثيرة عليك !!

هههههههههههههههههه طبعا به كم هللة طارين من قبال وجهه للشباك للشارع

وطبعا الجبان فحط وهرب ! بعد ما انتبه ان احنا كان بيدنا آلي كلاشنكوف ههههههههههههههههههههه

المهم انا شانزل صورة السيارة وصورته من جنب ما استرتش اصور من أمام والذي عيستر يلقط هذا الخاين المرجف يلقيه لاجل يقع عبرة لمن يعتبر!

ملاحظة :

به خيرات عندي ما عيعجبهمش البوست هذا، لذلك يا ظريف ويا ظريفة مابش داعي تعلقوا تعليقات سخيفة زيكم لأنكم عتلاقوا مني كلام ما عيعجبكمش خالص!



"بإمكانكم إيضاً مطالعة خبر (التفاصيل الكاملة لقصة الناشطة الحوثية مع سائق التاكسي بصنعاء) من موقع (عدن الغد)"

السابق البنك الدولي يخصص 816 مليون دولار لمشاريع طارئة في اليمن
التالى 816 مليون دولار لمشاريع طارئة في اليمن - صحف نت