أخبار عاجلة

مواطن سبعيني: السيسي متخلف عقليا وفاشل باع البلد (فيديو)

مواطن سبعيني: السيسي متخلف عقليا وفاشل باع البلد (فيديو)
مواطن سبعيني: السيسي متخلف عقليا وفاشل باع البلد (فيديو)
- -
السبت, 06 مايو, 2017 08:15 مساءً

تداول النشطاء عبر مواقع التواصل الاجتماعي مقطعا مسجلا لأحد المواطنين يصف السيسي بـ "المتخلف عقليا" و"الفاشل" عقب إخفاق الأخير في إنقاذ البلاد من الأزمة الاقتصادية، على حد قوله.
 
وفي المقطع المتداول، يظهر رجل سبعيني في حوار مع إحدى الصحفيات في الشارع، التي سألته حول أسعار السلع الغذائية ومناسبتها للرواتب أم لا، وتعويم الجنيه، وقضية تيران وصنافير، وتولي الجيش لإدارة البلاد، وفترة الإخوان.
 
اللحوم والأسعار وتعويم الجنيه
 
أجاب المواطن عن تساؤل حول اللحوم وأسعارها، بالقول: "الحمد لله باكل لحمة لأن حالتي مستورة، آخر مرة جبتها بـ 150 جنيها من المهندسين، لكن لحوم الجيش والجمعيات لا تصلح أبدا، الكل يقول عنها مضروبة ومقتولة وتعبانة؛ لحمة زبالة يعني".
 
وأردف: "الأسعار جنان، والمرتبات زي الزفت، ومش متناسبة مع الأسعار، فالفقير هيعمل إيه؟ اللي ماسك الدولة متخلف عقليا عشان عوم الجنيه".
 
وتابع: "عشان أعوم الجنيه لازم يكون إنتاجي أكتر من استيرادي، واحنا دولة متخلفة مفيش إنتاج وعايشة على الاستيراد، فزاي أعوم الجنيه من غير دراسة؟"، مقارنا بين الجنيه في فترة حكم الملك فاروق والفترة الحالية.
 
تيران وصنافير.. "كله بيبع"
 
وأكد المواطن المصري أن تيران وصنافير مصريتان، مجيبا عن التضاد في الأحكام القضائية بين محكمة القضاء الإداري ومحكمة الأمور المستعجلة بقوله: "هناك تعارض بين المحكمتين، لكن المحكمة المختصة هي محكمة القضاء الإداري، لكن الآن الحكومة تلعب لعبة سخيفة على الحكم، باللجوء لمحكمة الأمور المستعجلة، المختصة بالأمور الوقتية، وده تهريج من الحكومة، ناس مش فاهمة حاجة، وبتلعب في أي حاجة".
 
وعن السبب في قول النظام بأنهما سعوديتان، قال: "بيع، بأى كله بيبيع النهاردة، البلد اقتصادها تحت الصفر، فكله بيبيع، لما أجيب واحد فاشل يمسك دولة لازم هيغرقها، لازم رجل اقتصاد بيفهم عشان ينجح البلد، مينفعش واحد خريج حربية يمسكها بقالهم 65 سنة عملوا إيه؟ الدولار كان بريال أيام الملك فاروق، لكن جه العسكريين غرقوا البلد وعلشان احنا شعب نسبة عالية منه متخلفين فبيصقفوا للعسكر".
 
حكم العسكر.. سياسة تجويع
 
وتناول المواطن النظام العسكري، قائلا: "حكم العسكري بيقول "سياسة تجويع" عشان أعرف أحكم البلد دي -حسب دماغهم- لازم أخلي المصري دي جعان متخلف مش متعلم، مريض عشان أقدر أسيطر عليه، من أول ما اتوجدوا في سنة 52 وهما كده مش هيتخرجوا، هتجيبي واحد خريج حربية، لا درس اقتصاد ولا درس حاجة زي أستاذ في الجامعة".
 
وقال: "المرحلة الجاية لو استمرت بهذه الصورة هتحصل ثورة جياع أكيد، الشعب مش هيقدر، أنا مثلا مستور غيري لأ، يعني مثلًا أنا كنت بدي (أتصدق) للفقير دلوقتي مش قادر، الطبقة المتوسطة هي اللي كانت بتدي للفقير لكن دلوقتي الطبقة المتوسطة قربت تنمحي خلاص".
 
الإخوان لم يحكموا ولم يسيطروا
 
وانتقد المواطن أحداث 30 يونيو قائلا: "دي كانت لعبة اتعملت على الراجل الغلبان مرسي، ولبسوه في الحيط".
 
وأردف: "الإخوان منقدرش نقول فشلوا لأنهم ممسكوش أساسا، ولا سيطروا، معنى إني أمسك دولة وأسيطر عليها أن وزارة الدفاع والداخلية والبترول معايا أقدر أحركهم ويسمعوا كلامي، لكن كل دول كانوا ضده، وأنا محامي لما كنا نروح نعمل محضر في البوليس كانوا يقولوا مش هنشتغل إلا لما الراجل ده يمشي، فمش هتجيبي دكتور مهندس زي بتاع حربية".
 
أين مليارات الخليج؟
 
وتابع المواطن: "هو عمل الترعة بتاعة الإسماعيلية، وخد 64 مليار ولم فلوس من الخليج بالهبل راحوا فين؟ في جيبه".
 
وعن فترة الرئيس المنتخب محمد مرسي، قال: "مرسي كان بيتشتم والإخوان كانوا بيتاخدوا على قفاهم، لكن دلوقتي محدش يقدر يتكلم على السيسي وهو مخه مش طبيعي، ومحتاج علاج نفسي والمفروض القوى المدنية يتحالفوا مع الإخوان لو عايزين نصحي البلد ونرجع أمة محترمة".
 
"أشجع رجل في "
 
ولاقى المقطع تفاعلا واسعا بين النشطاء على مواقع التواصل الاجتماعي، فيما علق مصور ومعد الفيديو على "يوتيوب" بقوله: "النهاردة كنت بعمل تقرير مع المواطن المحترم دا، دخل سايس عربيات في كلام المواطن: "مش السيسي اللي خرب البلد العالم كله كده" المواطن المحترم رد عليه أن "السيسي مختل عقليا" مش هتصدق إيه اللي حصل، السايس اتصل بالشرطة، وبعد 10 دقائق فقط عربية النجدة كانت بتجري ورانا".
 
وتعجب محمد عمار، قائلا: "هي دي مصر؟! السيسي رئيس والراجل ده مواطن عادي! عجبت لك يا زمن".
 
وقال محمد عبد السلام: "أقسم بالله أنا أول مرة في حياتي أشوف راجل فوق الـ 60 وضد حكم العسكر، وفاهم للدرجة دي سياستهم، يا ريت كل الآباء زيك، ياريت الناس تفهم إن مكان العسكر داخل الثكنات وبس، مكانهم الجيش مش الدواوين والوزارات أبدا، وجربناهم 65 سنة كفاية أوي أوي عليهم كدا".
 
وقال سعيد جمعة: "ربنا يجعله في ميزان حسناتك. كلمة حق في وجه سلطان جائر. يسقط حكم السيسي".


- فيديو :




"بإمكانكم إيضاً مطالعة خبر (مواطن سبعيني: السيسي متخلف عقليا وفاشل باع البلد (فيديو)) من موقع (الموقع بوست)"

التالى قتلى وجرحى بإطلاق نار في أحد مستشفيات نيويورك